Nəcəfov Seymur Əsgər oğlu 24 avqust 1987-ci ildə Bakı şəhərində anadan olmuşdur.
2005-ci ildə Bakı Atatürk Liseyini bitirmişdir.
Azərbaycan Dövlət Neft Akademiyasının “Beynəlxalq iqtisadi münasibətlər” ixtisası üzrə 2009-cu ildə bakalavriat səviyyəsini, 2012-ci ildə magistratura səviyyəsini bitirmişdir.
2014-2018-ci illərdə mühasibat uçotu ixtisası üzrə UNEC-in Mühasibat uçotu və audit kafedrasının dissertantı olmuşdur.

2010-2012-ci illərdə Azərbaycan Respublikasının Kənd Təsərrüfatı Nazirliyinin Təchizat Bazasında xəzinədar, mühasib vəzifələrində çalışmışdır.
2012-2013-cü illərdə “Azərsu” Açıq Səhmdar Cəmiyyətində mühasib, Mərkəzi Laboratoriyanın Mühasibat uçotu və hesabatı şöbəsinin rəisi-baş mühasib vəfizələrində işləmişdir.
2013-2014-cü illərdə “Azərsu” Açıq Səhmdar Cəmiyyətinin İdarəetmə aparatının Mühasibat uçotu və hesabatı şöbəsinin rəis müavini vəzifəsində çalışmışdır.

UNEC-də əmək fəaliyyətinə 2014-cü ildən başlamışdır.
2014-2015-ci illərdə UNEC-in Maliyyə və təminat departamentinin Təhsil haqlarının uçotu və bank əməliyyatları şöbəsinin müdiri, 2015-2021-ci illərdə departamentin direktor müavini-baş mühasibin müavini vəzifələrində işləmişdir.
15.12.2021-ci il tarixində UNEC-in Maliyyə və təminat departamentinin direktoru-baş mühasib vəzifəsinə təyin edilmişdir.

Subaydır.