Nağıyev Tural Qulu oğlu 23.11.1986-ci ildə Ordubad rayonunun Dəstə kəndində anadan olub.
2003-cü ildə orta məktəbi bitirmişdir.
2003-2007-ci ilərdə Bakı Dövlət Universitetinin Fizika fakültəsində bakalavr, 2008-2010-cu illərdə isə həmin fakültədə magistratura təhsili almışdır.
2007-2008-ci illərdə Ordu sıralarında hərbi xidmətdə olmuşdur.
2023-cü ildən AMEA Radiasiya Problemləri İnstitutunun elmlər doktoru elmi dərəcəsi üzrə qiyabi dissertantıdır.
Hərbi xidmətdən qayıtdıqdan sonra 2009-cu ilə qədər Azərbaycan Milli Elmlər Akademiyasının Radiasiya Problemləri İnstitutunda böyük laborant, 2009-2010-cu illərdə Azenco ASC-nin Sumqayıt Texnologiyalar Parkında istilik energetika mühəndisi vəzifələrində çalışmışdır.
2012-2015-ci illərdə Azərbaycan Milli Elmlər Akademiyasının Fizika İnstitutunun əyani aspiranturasında təhsil almış, 2018-ci ildə “Nadir torpaq elementləri ilə aktivləşdirilmiş (NTE=Eu, Er və Pr) CaxBa1-xGa2S4 bərk məhlullarının fotoluminessensiya xassələri” mövzusunda dissertasiya işini müdafiə edərək “fizika üzrə fəlsəfə doktoru” alimlik dərəcəsi almışdır.
2012-2020-ci illərdə AMEA-nın Fiziki İnstitutunda kiçik elmi işçi, elmi işçi, böyük elmi işçi, aparıcı elmi işçi vəzifələrində çalışmışdır.
2016-2017-ci illərdə Milli Nüvə Tədqiqatları Mərkəzində böyük laborant, 2018-2019-cu illərdə isə həmin təşkilatda böyük elmi işçi vəzifələrində çalışmışdır.
2020-ci ildən UNEC-in “Mühəndislik və tətbiqi elmlər” kafedrasının 0.5 ştat əvəzçiliklə baş müəllimidir.
2021-ci ildən 2024-cü ilə kimi UNEC-in Laboratoriyaların İşinin Təşkili Mərkəzinin direktoru vəzifəsində çalışıb.
2019-cu ildən UNEC-də “Kompozit materiallar” Elmi-Tədqiqat Mərkəzinin ictimai əsaslarla tədqiqatçısıdır.
22.11.2024-cü il tarixindən “Mühəndislik və tətbiqi elmlər” kafedrasının müdiri vəzifəsinə keçirilib.
70-dən artıq elmi əsərin, o cümlədən 40-dan çoxu impakt faktorlu (Web of Science və Scopus bazalarında indekslənən) nüfuzlu xarici jurnallarda dərc edilmiş elmi məqalələr olmaqla, 50-dən artıq elmi məqalənin, 20-yə qədər Beynəlxalq (əksəriyyəti xaricdə) və Respublika səviyyəli konfrans materiallarının, 8 proqramın müəllifidir.
Dəfələrlə Beynəlxalq və Respublika səviyyəli Qrant Müsabiqələrinin qalibi və layihə rəhbəri olmuşdur.
UNEC JOURNAL OF ENGINEERING AND APPLIED SCIENCES jurnalında baş redaktorun müavinidir.
Scopus bazasında indekslənən “Advanced Physical Research” jurnalında baş redaktorun müavinidir.
AKADEMİK PROFİLLƏR
ELMİ ƏSƏRLƏR
2015-ci ildə Azərbaycan Respublikası Gənclər və İdman Nazirliyinin təsis etdiyi “İlin ən yaxşı Gənc Alimi” mükafatına layiq görülmüşdür.
